Армысың, әз Наурыз!

Салынған уақыты 24.03.2023 16:34

Көктемгі күн мен түннің теңелуі – табиғаттың оянуының символы ғана емес, ұлы достықтың, бірлік, бейбітшіліктің, мейірімділік пен келісімнің мерекесі. Әр жыл сайын Наурыз мейрамы «Қазаэронавигация» РМК Атырау филиалында ерекше атап өтіледі, Көрісу күні - 14 наурыздан бастап қызметкерлер жұмыста ұлттық нақыштағы киіммен жүреді, жастары кішілері жасы үлкен  әріптестерімен көрісуге асығады, үлкендерге сәлем бере отырып, бата сұрайды. Бір-біріне ұлттық тағамдарды ұсынып, жылы тілектерін арнайды.

19 наурыз күні Атырау филиалының қызметкерлері «Армысың, әз Наурыз» тақырыбындағы іс-шарасын атап өтті. Шараға филиал зейнеткерлері шақырылып, зейнеткерлерімізге арнайы сый-құрмет көрсетілді. Ақ бата тілектерін жаудырып, ерекше көңілде болды. Қызметкерлер арасында концерттік және сахналық қойылымдар ұйымдастырылды, домбыра мен гитарада ән айтып, күй тартты, ұлттық билерден өнер көрсетті. Қызмет пен бөлімдер арасында «Айтыс», «Қыз айттыру» секілді қазақтың ұлттық салт-дәстүрлерінен қойылымдар өткізілді.

1232