Сингапурдағы Чанги 2023 жылдың үздік әуежайы болды

Салынған уақыты 24.03.2023 16:22

Сингапурдакғы Чанги Skytrax нұсқасы бойынша 2023 жылдың үздік әуежайы болды. Ол өткен жылғы жеңімпаз — Катардағы Хамад халықаралық әуежайын жолда қалдырды.

Рейтинг клиенттердің қанағаттануы туралы жыл сайынғы жаһандық сауалнаманың деректері негізінде жасалды, оның барысында респонденттерден әуе сапарының барлық кезеңдерін — тіркеу қызметтерінен бастап аэровокзалдың ыңғайлылығына дейін бағаланады. Skytrax World Airport Awards авиация саласындағы ең беделді марапаттардың бірі болып саналады.

Сингапурдың Чанги әуежайы Skytrax тізімінде бірінші орынға шығуы бірінші рет емес. Хаб бұрын да 12 рет рейтингтің басында болған, бірақ жаһандық пандемия кезінде өз позициясын әлсіретті. Ол тұста Сингапурға келетін және ұшатын жолаушылар саны күрт төмендеді. Мұнда сарқырамалар, алып батуттар, аспалы шыны көпір, сондай-ақ 2023 жылы әлемдегі ең жақсы әуе айлақтағы қонақ үй — Crowne Plaza Changi Airport орналасқан.

Бірінші ондық:

1. Чанги Әуежайы, Сингапур;

2. Хамад халықаралық әуежайы, Катар;

3. Токио халықаралық әуежайы (Ханеда), Жапония;

4. Инчхон халықаралық әуежайы, Оңтүстік Корея;

5. Шарль Де Голль Париж әуежайы, Франция;

6. Стамбул Әуежайы, Түркия;

7. Мюнхен Әуежайы, Германия;

8. Цюрих Әуежайы, Швейцария;

9. Нарита халықаралық әуежайы, Жапония;

10. Мадрид-Барахас Әуежайы, Испания.

1628