AZAL авиакомпаниясы Астана мен Баку арасын байланыстырады

Салынған уақыты 26.01.2023 09:15

Trend «Әзірбайжан авиажелілері» ЖАҚ баспасөз қызметіне сілтеме жасап AZAL авиакомпаниясы Бакуден Астанаға, сондай-ақ кері бағытта рейстер ашады, деп хабарлайды.

16 наурыздан бастап авиакомпания Баку - Астана - Баку бағыты бойынша рейстерді орындауға кіріседі. Осы бағыт бойынша ұшулар аптасына екі рет орындалатын болады. Бакуден Астанаға рейстер дүйсенбі және бейсенбі күндері, ал кері - сейсенбі және жұма күндері жүзеге асырылады.

Сонымен қатар, Vesti.az. деректері бойынша 17 наурыздан бастап Әзірбайжанның ұлттық авиакомпаниясы Баку - Алматы - Баку бағыты бойынша аптасына екі рейс жиілігімен - сейсенбі және жұма күндері рейстерді жүзеге асыруды жоспарлап отыр.

1496