SpaceX ұшақтарға арналған спутниктік интернетті ұсынды

Салынған уақыты 09.11.2022 15:40

SpaceX ұшақ жолаушыларына арналған Starlink Aviation жылдамдығы жоғары спутниктік интернет қызметін іске қосатынын жариялады. Starlink Aviation жобасының сайты авиалайнерлердегі қосылу жылдамдығы секундына 350 мегабитке жететінін, бұл барлық жолаушыларға бір уақытта ағындық интернетке қол жеткізуге мүмкіндік береді.

«Небәрі 20 миллисекундтық кідіріспен жолаушылар бұрын рейстерде қол жетімсіз болған әрекеттерді, соның ішінде бейне қоңырауларды, онлайн ойындарды, виртуалды жеке желілерді және басқа да жоғары жылдамдықтағы әрекеттерді орындай алады»,-делінген хабарламада.

Компания 2023 жылдан бастап бірқатар ұшақтарда бүкіл ұшу кезінде жоғары жылдамдықты интернетке қол жеткізуге уәде береді.

Ұшақ бортындағы бағдарламаға қосылу үшін құны 150 мың доллар тұратын арнайы жабдықты орнату қажет болады. Абоненттік төлем айына 12,5 мыңнан 25 мың долларға дейін. Жабдықтар жиынтығын SpaceX сайтында 5 мың долларға брондауға болады, бірақ жеткізу 2023 жылдан басталады.

1597