Еуропаның әуежайлары жолаушылар ағынын шектеуді жалғастыруда

Салынған уақыты 18.10.2022 16:34

Амстердамның Схипхол әуежайы 2023 жылдың басына дейін әуежайдан ұшатын жолаушылар санына лимитті ұзарту жоспарын жариялады. Шектеулер наурыз айының соңына дейін жалғасады деп күтілуде, дегенмен әуе айлағы бұл жағдайды жылдың соңына қарай тағы бір рет қарастыратынын айтты.

Әуежай өкілдері жағдайды жақсарту үшін қауіпсіздік компанияларымен және кәсіподақтармен жұмыс істейтіндерін атап өтті. Негізгі мәселе әлі де қызметкерлердің жетіспеушілігімен байланысты. Пресс-релизде өткізу қабілеттілігі шектеулерінің нақты сандары көрсетілмеген. Слоттардың үйлестірушілері әуежайдың талаптарын қанағаттандыру үшін авиакомпаниялармен жұмыс істейтіні айтылады.

Схипхол әуежайы – халықаралық жолаушылар тасымалы бойынша әлемдегі ең көп жұмыс істейтін әуежайлардың бірі. Халықаралық әуежайлар кеңесінің мәліметтері бойынша, 2021 жылы ол халықаралық жолаушылар саны бойынша әлемде Дубай мен Стамбул әуежайларынан кейінгі үшінші орынды иеленді.

1586