Триатлон бойынша TEMIRADAM Кубогының Гранд Финалы Ақтау қаласында өтті

Салынған уақыты 28.09.2022 14:32

25 қыркүйекте Ақтау қаласында TETYSBLU аймағында триатлон бойынша орта қашықтыққа финалдық жарыс өтті, бұл жарыс үш кезеңнен тұруы тиіс еді: жүзу - 1900 метр, веложарыс – 90 километр, жүгіру – 21.1 километр.

Өкінішке орай, ең әсерлі жүзу кезеңі ауа райының қолайсыздығына орай болмады. Әрине, қатысушылардың қауіпсіздігі авиация саласындағыдай бәрінен де артық. Қатты соққан жел толқынды күшейтіп, жылжымалы көпірлерді бұзғандықтан, қалған екі кезеңнің басталу сәті 09.00 ауыстырылды.

Аталған жарысқа «Қазаэронавигация» РМК қызметкерлермен жұмыс және әлеуметтік мәселелер жөніндегі бөлімінің бастығы Хамет Альбертович Сераев қатысып, өзінің М55-59 жас санатында үшінші орынды иеленді. Қазақстанның түрлі қалаларында өткен барлық VII кезеңнің қорытындысы бойынша ол үшінші орынға табан тіреді.

«Қазаэронавигация» РМК ұжымы Хамет Альбертовичті осы жетістігімен құттықтай отырып, алдағы келесі М60 санатына сәттілік тілейді.  

1844