ruenkz

17 жастағы ұшқыш дүниежүзін айналып ұшып, 2 әлемдік рекорд орнатты

Салынған уақыты 19.09.2022 10:29

17 жастағы ұшқыш Мак Рутерфорд кішкентай ұшақпен бүкіл әлемді жалғыз саяхаттаған ең жас адам болды. Бұны Koreatimes.co.kr дереккөзіне сілтеме жасай отырып, ans.kz хабарлайды.

Қос азаматтығы бар бельгиялық-британдық азамат Мак Рутерфорд Гиннестің екі әлемдік рекордын орнатып, бүкіл әлем бойынша жалғыз саяхат жасаған ең жас адам, сондай-ақ ультра жеңіл ұшақпен дүниежүзін айналып ұшып, саяхат жасаған ең жас адам болды.

Маканың саяхаты 23 наурызда басталып, шамамен бес айға созылды. Осы уақыт ішінде жігіт бес құрлықтағы 52 елге барып, экватордан екі рет өтті. 24 тамызда ол Болгария астанасы Софияның батысындағы ұшу-қону жолағына ұшағын қондырды.

«Жасыңыз қаншаға келсе де, арманыңызды орындаңыз, мақсаттарыңызға жету үшін көп жұмыс жасаңыз және алға ұмтылыңыз», - деді ол ұшақтан шыққаннан кейін.

Мак Рутерфорд авиаторлар отбасында дүниеге келген. 15 жасында ол ұшқыш лицензиясын алып, сол кездегі әлемдегі ең жас ұшқыш атағына ие болды. Айтпақшы, ол отбасындағы бүкіл әлемді аралап ұшқан алғашқы адам емес. Маканың әпкесі Зара 19 жасында да сол ұшақты, яғни  «акуланы» пайдаланып, әлемді шарлады. Бұл әлемдегі ең жылдам ультра жеңіл ұшақтардың бірі болып табылады, оның круиздік жылдамдығы сағатына 300 шақырымға жетеді. Бірақ Мак екінші орындықтың орнына қосымша жанармай багын орнатын, оны ұзақ сапарға бейімдеп өзгертті. Осылайша ол әпкесінің рекордын жаңартты және ультра жеңіл ұшақпен бүкіл әлем бойынша саяхат жасаған ең жас адам атанды. Макқа дейін бүкіл дүниежүзін аралап, бір өзі саяхат жасаған ең жас ұшқыш 18 жастағы Ұлыбританияның азаматы Травис Лудлоу болған.

102