Qazaq Air авиакомпаниясы алғаш рет авиамамандарды өздері дайындады

Салынған уақыты 18.08.2022 11:59

Жеке кадрлық ресурстарды оқшаулауға және дамытуға көшу стратегиясы аясында Қазақстандық мемлекеттік өңірлік Qazaq Air авиакомпаниясы өзінің авиациялық орталығында 13 бортсеріктен тұратын бірінші топты оқытып шығарды.

«Алғаш рет оқыту авиакомпания базасында өткізілді. Егер бұрын ол шетелде болса, енді өз авиациялық оқу орталығының ашылуының арқасында қызметкерлерді оқыту, қайта оқыту және біліктілігін арттыру тұрғысынан көптеген жаңа мүмкіндіктер, перспективалар пайда болды», - деп атап өтті авиакомпания персоналын даярлау қызметінің басшысы Еркін Наурызбаев.

Qazaq Air авиациялық оқу орталығы осы жылдың мамыр айында авиамамандарды даярлаудың және авиация саласы бағдарламаларының барлық түрлеріне оқытуға сәйкестігі мен дайындығын растайтын сертификат алды. Бұл авиакомпанияның авиациялық персоналды даярлауға арналған алғашқы білім беру мекемесі.

2023