Атырау филиалы Құрметті демалысқа шыққан қызметкер алдындағы құрметті миссиясын орындады

Салынған уақыты 15.08.2022 08:56

Атырау филиалының әуе қозғалысына қызмет көрсету қызметі ұшу басшысы Салауат Қабдығалиұлы Қазбаев 21 жасар жас жігіт кезінде азаматтық авиация саласына жұмысқа орналасты. Еңбектегі өмір жолының 43 жылын әуе қозғалысын басқарудың пультінде өткізді.

Азаматтық авиация ардагері Салауат Қабдығалиұлы 1979 жылы Алматы қаласындағы ОЖО-2 жанындағы диспетчерлер дайындайтын курсты оқып бітіргеннен кейін Гурьев біріккен авиаотрядына қозғалыс қызметіне  жұмысқа орналасты. Жоғары білімді, Т. Бигелдинов атындағы мемлекеттік Ақтөбе жоғары әскери авиациялық училищесін тамамдады. Ол радиометрист лауазымынан бастап ӘҚҚ қызметінің ұшу басшысына дейінгі жолдарды өтті. Бірнеше алғыс хаттар мен «Құрмет грамотасы» секілді түрлі марапаттарға ие. Салада жұмыс жасаған жылдары өзін сауатты, еңбексүйгіш және жауапты қызметкер ретінде көрсетті, әріптестерінің алдында құрмет пен беделге ие, жас мамандарға көмек берген, бірақ талап қойғыш жетекші бола білді. Ол тек қана кәсіби авиатор ғана емес, отбасында үлгілі және қамқор әке. Сүйікті жары Ғалия екеуі төрт баланы жақсы тәрбиелеп өсірді және немерелерін махаббат пен қамқорлыққа бөлеп, өсіруге көмектесіп отыр.

Атырау филиалының ұжымы ардагер-әріптестеріне шын жүректен ұзақ жылғы жарқын еңбек жолына алғыс айтып, бақыт, денсаулық және ұзақ өмір тіледі.

2167