Мемлекеттер авиациялық шығарындылар бойынша қалаған мақсатқа қарай ілгерілеуде

Салынған уақыты 05.08.2022 17:07

Халықаралық әуе көлігі қауымдастығы (ИАТА) Температураға қатысты Париж келісімінің мақсаттарына сәйкес 2050 жылға қарай көміртегі диоксидінің нөлдік авиациялық шығарылымы бойынша ұзақмерзімді мақсатқа (LTAG) қол жеткізудегі мемлекеттердің жетістіктерін құптады. Бұл осы жылдың соңында ИКАО Ассамблеясының 41-сессиясына дайындық аясында өткізілген Халықаралық азаматтық авиация ұйымының (ИКАО) жоғары деңгейдегі кездесуінде талқылау барысы туралы қысқаша ақпаратта атап өтілді.

ИКАО-ның жоғары деңгейдегі кездесуі тарапынан мемлекеттердің 2050 жылға қарай шығарындылардың нөлдік деңгейіне қол жеткізу жөніндегі авиациялық сектордың міндеттемелеріне сәйкес келетін ұзақмерзімді мақсатын қолдау табуы дұрыс бағыттағы қадам болып табылады. ИКАО Ассамблеясының 41-сессиясындағы ресми келісім мемлекеттердің авиацияны көміртегі отынынан бас тартуға деген жалпы көзқарасын құптайды. Бұл авиация саласы үшін өте маңызды. Мемлекеттік саясат бүкіл әлемде бірдей мақсатты пен мерзімдерді қолдайтынын білу секторға, әсіресе оның жеткізушілеріне декарбонизацияға қажетті инвестициялар салуға мүмкіндік береді», — деді ИАТА бас директоры Уилли Уолш.

2021 жылдың қазан айында ИАТА-ға мүше авиакомпаниялар 2050 жылға қарай шығарындылардың нөлдік деңгейіне қол жеткізу міндеттемесін мойнына алды. Бұл мақсатқа жету жолы тұрақты авиациялық отынды (safe), жаңа қозғалтқыш технологияларын, инфрақұрылым және пайдалану тиімділігін, сондай ақ кез келген олқылықтарды толтыру үшін көміртекті өтеу/ұстауды қамтитын болады.

Таза нөлге қол жеткізу үшін 2050 жылға қарай авиацияның жаһандық ауқымда отынның жаңа түрлеріне, технологиялар мен операцияларға көшуі керек болады. Бұған қол жеткізу жолында үлкен инвестициялар тарту үшін жаһандық бағыттардан қалыспайтын берік саяси негіз қажет болмақ. Міне, сол себепті де мемлекеттердің бірнеше апта бойы ИКАО Ассамблеясының 41-сессиясында ресми келісімге келу бастамасын көтеруі өте маңызды», - деді Уолш.

1887