Lufthansa авиакомпаниясы жаңа алымды енгізуде

Салынған уақыты 10.06.2022 11:38

Lufthansa ірі неміс авиакомпаниясы 21 маусымнан бастап еуропалық рейстердегі ең арзан Economy Light эконом-класс тарифіне онлайн-тіркелу кезінде тегін орын таңдауды қамтымайтын жаңа төлем енгізеді.

Авиакомпанияның түсіндіруінше, егер жолаушы орынды таңдау үшін ақы төлемесе, жүйе оған рейске тіркелу кезінде автоматты түрде орын белгілейді. Егер орын ұнамаса, оны ақы төлей отырып, ауыстырып алуға болады. Жаңа төлем маршрутқа байланысты 25 евро, 30 доллар немесе 30 швейцарлық франк болады.

Бірнеше жыл бұрын Ryanair авиакомпаниясы арзан билеттерге орын берудің ұқсас алгоритмін қолдана бастады. Ryanair авикомпаниясының бұл саясаты қосымша қызметтерді сатудан табыс табуға мүмкіндік береді. Неміс авиатасымалдаушысы 2017 жылы британдық Skytrax агенттігінен Еуропада бірінші болып ең жоғары 5* сервис рейтингін алды. Алайда, содан бері Lufthansa еуропалық рейстерде эконом-класта тегін тамақтануды тоқтатқан болатын, тіпті алыс рейстерде де арзан билеттерден багажды алып тастады, ұшақтардың орналасуын нығайтты.

1968