ruenkz

2022 жылғы 4 айда отандық әуекомпаниялар 2,6 млн жолаушыны тасымалдады

Салынған уақыты 31.05.2022 08:20

Отандық әуекомпаниялар 2022 жылғы қаңтар-сәуір айларында ішкі бағыттарда 2 млн. жолаушы (2021 жылы – 2,2 млн. жолаушы, 2020 жылы – 1,2 млн. жолаушы), халықаралық бағыттарда 622 мың жолаушы (2021 жылы - 468 мың жолаушы, 2020 жылы - 431 мың жолаушы) тасымалдады.

Атап айтқанда, "Air Astana" компаниясының жолаушылар ағыны шамамен 1,1 млн. жолаушыны, "FlyArystan" - 761 мың жолаушыны және "SCAT" - 630 мыңға жуық жолаушыны құрады.

Елдің әуежайларында көрсетілген кезеңде қызмет көрсетілген жолаушылар саны 5,1 млн. жолаушыны құрады, бұл өткен жылғы көрсеткіштен 9%-ға артық (2021 жылы – 4,7 млн. жолаушы, 2020 жылы – 3,3 млн. жолаушы).

Қазіргі уақытта ішкі әуе рейстерін 5 отандық әуекомпаниясы аптасына 605 рейс жиілігімен 57 бағыт бойынша орындайды.

Халықаралық ұшулар 27 елде аптасына 433 рейс жиілігімен 99 бағыт бойынша орындалады. Бұл Түркия, БАӘ, Өзбекстан, Грузия, Тәжікстан, Ресей, Қырғызстан, Беларусь, Германия, Египет, Оңтүстік Корея, Нидерланды, Польша, Армения, Ұлыбритания, Мальдив аралдары, Таиланд, Әзірбайжан, Катар, Кувейт, Сауд Арабиясы, Моңғолия, Үндістан, Иран, Чехия, Греция (ағымдағы жылдың 1 маусымынан бастап) және Италия (12 маусымнан бастап).

318