Ақмола іздестіру және құтқару ауданындағы үйлестіру оқу-жаттығулары

Салынған уақыты 29.04.2022 08:41

2022 жылғы 27 сәуірде Ақмола іздестіру және құтқару ауданында азаматтық авиация комитеті бекіткен Қазақстан Республикасының аумағында ұшуды іздестіру-құтқарумен қамтамасыз етуге тартылған күштер мен құралдармен үйлестіру және байланысты жүргізу жоспарына сәйкес үйлестіру оқулары өткізілді.

«Қазаэронавигация» РМК «Орталық Қазақстан ӘҚҰ ӨО» филиалының үйлестіру орталығының және әуе қозғалысына қызмет көрсету қызметінің мамандары ТЖМ, «Нұр-Сұлтан» әуежайының ҰІАҚҚҚ өкілдерімен және «Қазавиақұтқару» АҚ экипаждары мен қызметкерлерімен бірлесіп, қала әуеайлағында авиацияны іздестіру-құтқарумен қамтамасыз ету бойынша Ми-172 тікұшағында кезекшілікті жүзеге асырады. Нұр-Сұлтан қаласында апатқа ұшыраған әуе кемесін іздестіру, эвакуация және зардап шеккендерге алғашқы көмек көрсету бойынша оқу іс-шаралары өткізілді.

Оқу-жаттығу барысында жоғарыда көрсетілген қызметтер іздестіру-құтқару операцияларын жүргізу кезінде өзара іс-қимыл жасау әдістемесін, апатқа ұшыраған ӘК іздеу әдістерін, іздестіру-құтқару ӘК отырғызу үшін алаңдарды таңдауды және оқиға орнынан зардап шеккендерді эвакуациялауды пысықтады. Оқу-жаттығуларды өткізу үшін борттағы құтқарушылар мен медицина қызметкерлерімен «Қазавиақұтқару» АҚ Ми-8 кезекші тікұшағы жұмылдырылды.

Жалпы, мұндай оқу-жаттығулар Халықаралық Азаматтық авиация туралы конвенцияға «Іздестіру және құтқару» 12-қосымшасының негізінде құрылған ұшуды іздестіру-құтқарумен қамтамасыз етудің ұлттық жүйесінің элементі болып табылады.

2104