«Қазаэронавигация» РМК «БҚ ӘҚҰ ӨО» филиалында құрметті қызметкерді зейнеткерлік демалысқа шығарып салды

Салынған уақыты 25.04.2022 14:00

«Қазаэронавигация» РМК «БҚ ӘҚҰ ӨО» филиалы құрметті қызметкерді зейнеткерлік демалысқа шығарып салды. Құрметті байланысшы, РТЖБП авиациялық электр байланысы кешенінің жетекші инженері Сергей Алексеевич Саможоновқа құттықтау сөздер мен ізгі тілектерді көптеп айтылды.

Бұл маманның көпжылдық еңбегі, үлкен кәсіби тәжірибесі бар және біздің филиалдың дамуына қосқан үлесі де мол.

Сергей Алексеевичтің қажымас қайраттылығымен, ұйымдастырушылық талантымен, шебер басшы, ұжымда шығармашылық атмосфера құра алу қабілетімен ерекшеленеді. Өзінің жұмысқа қабілеттілігінің, адалдығы мен өзіне және басқаларға талап қоя білу қасиетінің арқасында әріптестерінің құрметіне ие болды. Біздің кәсіпорындағы жалпы еңбек өтілі 24 жылды құрайды. Ол авиациялық телекоммуникация мен байланыс жүйелерін құруға және дамытуға үлкен үлес қосты. Батыс Қазақстанның авиациялық телекоммуникациялық желісін (ATN) әзірлеуге және құруға тікелей қатысты. Сергей Алексеевич өз ісіне берік пікірлестерін бір жерге жинап, жас әріптестері үшін өз еңбегіне деген адалдықтың, жанқиярлық көзқарастың үлгісі болды. Инженерлік-техникалық мамандардың бірнеше буынына тәлімгер болды.

Көп жылғы еңбегі мен жемісті қызметі үшін ол «Қазаэронавигация» РМК құрылғанына 20 жыл толуына арналған медальмен және авиация саласының жоғары наградасы – «Құрметті авиатор» белгісімен марапатталды.

Әкімшілік пен ұжым Сергей Алексеевичке көпжылдық және адал еңбегі үшін, байланысшы мамандығын бір рет таңдап, оған әділ қызмет еткені үшін, күнделікті еңбегімен авиациялық электр байланысын дамытуға да, әуе кемелерінің ұшу қауіпсіздігін қамтамасыз етуге де қосқан жеке үлесі үшін алғыс білдіреді.

2609