Дыбыс жылдамдығынан жоғары жолаушылар ұшақтары жақында аспанға оралады

Салынған уақыты 21.04.2022 11:10

Бірқатар кәсіпкерлер мен инвесторлар 5 Maха-дан жоғары жылдамдықпен ұшуға қабілетті, яғни дыбыс жылдамдығынан бес есе жылдам ұшақтардың әзірлемелерін жариялады. 10 наурызда Атлантада орналасқан Hermeus гипердыбыстық азаматтық мақсаттағы ұшақты әзірлеуді дамытуды жалғастыру үшін тағы 100 миллион доллар инвестиция құйылғанын мәлімдеді. NASA жобаға технологиялық серіктес ретінде қатысады.

Hermeus компаниясы Quarterhorse деп аталатын алғашқы прототипін турбинаға негізделген аралас цикл қозғалтқышымен жабдықтайды. Осыған байланысты Hermeus ұшу және қону кезеңдері әдеттегі реактивті ұшақпен бірдей болады деп болжайды. Ұшақ мұхит үстіндегі крейсерлік режимге жеткенде ғана тікелей реактивті қозғалтқыш қосылып, өзінің гипердыбыстық қуатын көрсетеді. Hermeus негізін қалаушылар бағалар әдеттегі бизнес-класспен бірдей деңгейде болады деп болжайды.

Hermeus коммерциялық гипердыбыстық модельдерде жұмыс істейтін жалғыз стартап емес. Швейцариялық Destinus стартапы 15 Maха-ға дейін жылдамдықты дамытуға қабілетті пилотсыз ұшу аппаратын жетілдіруде. Осындай жылдамдықпен, мысалы, Германияның Франкфурт қаласынан Оңтүстік Кореяның Сеул қаласына дейінгі сапар шамамен 1 сағат 15 минутты құрайды, ал Австралияға Еуропадан 2 сағаттан аз уақыт ішінде жетуге болады.

2291