JET2 авиакомпаниясы бетперделерден бас тартты

Салынған уақыты 16.03.2022 13:59

Британдық Jet2 авиакомпаниясы жолаушыларға бетперде киюге қойылатын талаптардан бас тартты. Бұл авиация саласындағы бірінші жағдай - әлемдегі көптеген авиакомпаниялар өз ұшақтарында бетперде кию режимін сақтауды мұқият қадағалап отырады.

Авиакомпанияның мәліметінше, жолаушылар енді Англия мен Солтүстік Ирландияда бетперде киюге міндетті емес, бірақ Шотландия аумағында бетпердесіз ұшу әлі де тәртіп бұзушылық болып саналады.

«Заң бұдан былай біздің әуежайларда немесе ұшақтарда бетперде киюді қажет етпейді. Алайда, Ұлыбритания үкіметінің нұсқауларына сәйкес, біз сізге осы жерлерде жеке қорғаныс құралдарын киюді жалғастыруды ұсынамыз және шетелде межелі жерге жеткенде оларды киюді ұмытпаңыз», — делінген компания сайтында.

Бетпердені кимеуге рұқсат беру туралы шешім Ұлыбритания Англияда бетперде киюді талап ететін заңның ережелерін жойғаннан кейін қабылданды. Осыдан кейін үкімет авиакомпанияларға инфекциядан қорғауға өзінің жеке талаптарын белгілеуді ұсынды.

1986