Қазақстанда былтыр әуе көлігімен 9,4 млн жолаушы тасымалданды

Салынған уақыты 04.02.2022 16:27

2021 жылдың қорытындысында қазақстандық әуе компаниялар тасымалдаған жолаушылар саны арғы жылмен салыстырғанда 71% артып, 9,4 млн жолаушы құрады.

Бұл пандемияға дейінгі көрсеткіштен 10% жоғары. 2019 жылғы барлығы 8,6 млн жолаушы тасымалданған еді.
Отандық әуе компанияларының қызметін былтыр ішкі бағыттарда 7,6 млн, халықаралық бағыттарда 1,8 млн жолаушы пайдаланған.

Нақты әуе компанияларына қатысты айтсақ, Air Astana-ның жолаушылар ағыны 59% өсіп, 3,6 млн жолаушы тасымалданды. FlyArystan әуе компаниясының өсімі 109% құрады. Бұл шамамен 3,1 млн жолаушы. SCAT жолаушыларының саны 62%-ға артып, 2,1 млн-ға жетті.

1761