«Сирена» 25 елдің BSP-де сертификатталған

Салынған уақыты 28.01.2022 09:02

Көлік саласының кәсіпорындары үшін ақпараттық технологияларды әзірлеуші және жеткізуші ресейлік «Сирена» компаниясы Францияда — IATA BSP өзара есеп айырысу жүйесінің талаптарына техникалық сәйкестіктің тағы бір сертификатын алды. 2022 жылдың басында алынған сертификаттау «Сирена-Трэвел» автоматтандырылған тарату жүйесінде ұсынылған авиакомпаниялар мен тревел-агенттерге Франция аумағында IATA BSP халықаралық әуе көлігі қауымдастығының сату жүйесінде дистрибуцияның қосымша мүмкіндіктерін қамтамасыз етеді.

Қазіргі уақытта «Сирена» 24 елдің: Ресей, Әзірбайжан, Германия, Эстония, Испания, Латвия, Литва, Кипр, Грузия, Израиль, Үндістан, Қазақстан/Қырғызстан, Норвегия, Португалия, Румыния/Молдова, Словакия, Түркия, Украина, Италия, Австрия, Греция, Финляндия – және қазір Франция аумағында IATA BSP мүшесі болып табылады.

«Сирена» компаниясы авиакомпаниялардың, әуежайлардың және тасымалдарды сату жөніндегі агенттіктердің бизнес-процестерін автоматтандыру үшін заманауи шешімдер мен өнімдерді әзірлейді. «Сирена-Трэвел» дистрибутивтік жүйесінде Ресей мен ТМД елдерінің барлық авиакомпанияларын қоса алғанда, 200-ге жуық халықаралық авиатасымалдаушылардың рейстері ұсынылған.

«Сирена» шешімдер спектріне интернет арқылы тасымалдарды брондау және сату, брондауды талдау және бақылау жүйелері, статистика сервистері, авиакомпанияларға арналған электрондық коммерция жүйесі, авиакомпаниялар мен әуежайлардың қосымша қызметтерін сату бойынша мобильді шешімдер кіреді.

2565