Air Astana 19 қаңтардан бастап барлық рейстерді қайта іске қосады.

Салынған уақыты 19.01.2022 17:42

2022 жылдың 19 қаңтарынан бастап Коломбо, Мале, Пхукет, Лондон, Дубай, Анталия, Тбилиси, Баку, Ташкент, Душанбе және Бішкекке трақты әуе қатынасы іске қосылды. Бұдан басқа, авиакомпания билеттерді қайтару ережелерін қайта қарады.

«Егер ұшып шығу 2022 жылғы 31 қаңтарға дейінгі кезеңде жоспарланған болса, онда авиабилетті кез келген күнге 28 ақпанға дейін тегін қайта ресімдеуге немесе ақша қаражатын толық қайтаруға болады. Қайтаруды рәсімдеу және билеттерді бастапқы ұшу күніне дейін 24 сағаттан кешіктірмей қайта брондау қажет», - деп айтылған авиатасымалдаушы хабарламасында.

Атап өтсек, 19 қаңтардан бастап компанияның call-орталықтары 08:00-ден 00:00-ге дейін жұмыс істейді. Алматы мен Нұр-Сұлтан қалаларының әуежайларындағы сату кеңселері тәулік бойы жұмыс істейді. «Шетелдегі қазақстандықтар билеттерді сатып алу орындарында немесе +7 727 244 44 77, +7 717 258 44 77, +7 702 702 44 77 телефондары арқылы, WhatsApp нөмірі бойынша +7 702 702 01 48, немесе компанияның сайтындағы онлайн-чатта тұрақты рейстерді қайта брондай алады», - деп толықтырды Air Astana компаниясы. 

2348