Қазақстан әуежайларында жолаушыларға қызмет көрсету қағидалары өзгертілді

Салынған уақыты 10.11.2021 09:03

ҚР Индустрия және инфрақұрылымдық даму министрінің м. а. 2021 жылғы 22 қазандағы бұйрығымен Қазақстан Республикасының әуежайларында жолаушыларға қызмет көрсетуді ұйымдастыру қағидаларына өзгерістер енгізілді, деп хабарлайды . Kazpravda.kz сілтеме жасай отырып Zakon.kz.   

Осылайша, уәкілетті агент жолаушылардың отырғызу талондарын тексереді, жолаушының тегін жеке басын куәландыратын құжатпен салыстырады немесе цифрлық құжаттар сервисі арқылы электрондық құжатта жолаушының деректерін енгізеді және арнайы құрылғылар болған кезде отырғызу талонынан ақпаратты сканерлейді. Перрондық көлік құралын жөнелту алдында уәкілетті агент жолаушыларға авиакомпанияның атауын, жүру маршрутын және рейс нөмірін хабарлайды.

Балалы жолаушыны тіркеу кезінде уәкілетті агент баланың жасын растайтын құжатты (туу туралы куәлік не электрондық құжат) тексереді. Жүкті жолаушыларға қызмет көрсету кезінде рейстің уәкілетті агенті тасымалдау басталғанға дейін күнтізбелік жеті күннен кешіктірмей берілген жүкті және босанған әйелдің № 048/е нысандағы авиабилетінің, айырбастау картасының болуын тексереді. Бұйрық 2021 жылғы 8 қарашадан бастап қолданысқа енгізіледі.

2643