Кәсіби дайындау орталығында бір жылда осымен үшінші ИКАО курсын әзірлеу аяқталды

Салынған уақыты 19.10.2021 10:19

Кәсіпорынның тапсырысы бойынша «Қазаэронавигация» РМК Кәсіби дайындау орталығының курстарды әзірлеушілері «Метеорологиялық жабдықты техникалық пайдалану жөніндегі персоналды даярлау» (Meteorological Equipment Maintenance Personnel Training) ИКАО курсын әзірледі. Бұл 2021 жылы КДО әзірлеген үшінші ИКАО курсы. Осылайша, КДО ИКАО стандарттаған құзыреттілік тәсіл әдістемесін енгізу бойынша жұмысты жалғастыруда.

Жаңа авиациялық персоналды кәсіби даярлау курсын әзірлеу мен іске асыру күрделі, тынымсыз әрі жауапты жұмыс болып табылады, ол үлкен талдамалық жұмыс жүргізуді және көп мөлшердегі материалды зерделеуді, сондай-ақ әртүрлі мамандардың тәжірибесін пайдалануды талап етеді. Осы курсты әзірлеуге метеорологиялық қызмет көрсету қызметінің сарапшы мамандары, ал курстың валидациялық өткізілуіне - 2021 жылы «Нсқаушыларды даярлау курсын» (Training Iinstructor Course ICAO) сәтті аяқтаған барлық нұсқаушылар қатысты.

Курс метеорологиялық жабдықты техникалық пайдалану жөніндегі персоналға метеорологиялық жабдық пен жүйелерді техникалық пайдалану жөніндегі процедураларды, оның ішінде оларды орнатуды, жұмысына мониторинг жүргізуді, техникалық қызмет көрсетуді, істен шығу диагностикасын жүргізу мен жөндеуді, сондай-ақ қауіпсіз жұмыс ортасын қолдауды орындау үшін қажетті білім мен дағдыларды береді.

Курстың алғашқы 10 тыңдаушысы «Қазаэронавигация» РМК жеті филиалының өкілдері болып табылатын МЖТҚК мамандары осы курсты сәтті аяқтап, ИКАО сертификаттарын алады.

2353