Авиакомпаниялар жолаушыларды қара тізімге тек сот шешімі бойынша енгізе алады

Салынған уақыты 29.09.2021 08:28

Қазақстандық авиакомпаниялар жолаушыларды қара тізімге тек сот шешімі бойынша енгізе алады. Тиісті ұсыныстар «Қазақстан Республикасының кейбір заңнамалық актілеріне көлік мәселелері бойынша өзгерістер мен толықтырулар енгізу туралы» Заң жобасында қамтылған, деп хабарлайды Kursiv.kz.

Әсіресі, Заң «әуе тасымалы шектелген тасымалдаушы тұлғаларының тізілімі» деген
78-1-баппен толықтырылады. Заңға сәйкес, авиакомпаниялар заң бұзушыларды қара тізімге тек сот шешімімен енгізуге тиіс. Жолаушыны қара тізімге енгізу туралы шешімді күшіне енген әкімшілік жаза туралы қаулы немесе сот қаулысы негізінде авиакомпания басшысы немесе басшысының міндетін атқарушы қабылдайды. Жолаушы оны сот тәртібімен қара тізімге енгізуге шағымдана алады. Сонымен қатар, тасымалдаушы қара тізімдегі жолаушыны сот қаулысы немесе үкімі заңды күшіне енген күннен бастап бір жыл өткен соң алып тастауға міндетті. Осы мерзімдер аяқталғанға дейін қаулылар мен сот шешімдерінің күші жойылған жағдайда авиакомпания қара тізімдегі жолаушыны тиісті шешімнен кейін 30 күннен кешіктірмей алып тастауға міндетті болады.

Бұдан басқа, егер жолаушыны Қазақстаннан депортацияласа, сондай-ақ ол емделуге, жерлеуге жіберілсе немесе мүгедекті ертіп жүрсе, авиатасымалдаушы қара тізімдегі жолаушыға тасымалдаудан бас тарта алмайды. Авиакомпания жолаушыны қара тізімге енгізу туралы жазбаша немесе электронды түрде хабарлама беруі керек. Бұл ретте жолаушыға сатып алынған авиабилеттің құны толық өтеледі. 

2579