ИИДМ азаматтық авиацияға бірқатар өзгерістер енгізуді ұсынды

Салынған уақыты 24.09.2021 10:13

Индустрия және инфрақұрылымдық даму Вице-министрі Берік Қамалиев мәжілісте көлік заңнамасына енгізілген түзетулерді ұсынды. Құжатта дрондарды сертификаттау процедурасын енгізу, оларды қашықтықтан сәйкестендіруге қойылатын талаптарды белгілеу және оларды пайдалану аймақтарын анықтау сияқты бірқатар өзгерістер ұсынылды. Сондай-ақ, «ұшқышсыз авиациялық жүйе» және «ұшқышсыз әуе кемесі» ұғымдары енгізіледі деп хабарлайды inbusiness.kz.

Бұдан басқа, заң жобасында бірінші басшының азаматтық авиация саласындағы уәкілетті ұйымға жүктелген міндеттерді орындауы үшін дербес жауапкершілігі және авиация инспекторларының өздерінің қызметтік міндеттерін орындамағаны немесе тиісінше орындамағаны үшін жауапкершілігі көзделеді. Халықаралық тәжірибені назарға ала отырып, заң жобасында «әділ мәдениет» (Just Culture) ұғымын енгізу көзделген, оның негізгі қағидаты азаматтық авиация саласындағы қасақана бұзушылықтарға немесе немқұрайлы мінез-құлыққа төзбеу болып табылады.

Сондай-ақ, заң жобасында жер кодексіне әуеайлақ маңындағы аумақта қызметті жүзеге асыруға рұқсат алу бойынша оны ИКАО стандарттарына сәйкес келтіру үшін өзгерістер енгізу көзделген. Аң фермаларын, мал сою алаңдарын және басқа да объектілерді салу, әуеайлақтың бақылау нүктесінен 15 км радиуста ауыл шаруашылығы қызметін жүзеге асыру, егер мұндай қызмет құстардың жаппай жиналуына жағдай жасамаса және ұшу қауіпсіздігіне қауіп төндірмейтін болса және Қағидаларға сәйкес әуе кемелерінің ұшу қауіпсіздігіне қатер төндіруі мүмкін қызметті жүзеге асыруға рұқсаттар беру қағидаларына сәйкес рұқсат алған кезде ғана мүмкін болады.

2704