Сингапур Boeing 737MAX ұшақтарын пайдалануға тыйым салуды алып тастады

Салынған уақыты 09.09.2021 09:26

Сингапурдың азаматтық авиацияны реттеу органы (Civil Aviation Authority of Singapore, CAAS) Boeing 737max ұшақтарын пайдалануға тыйым салуды алып тастады.
Аралдағы мемлекет В-737 апаттарына алғашқылардың бірі болып шара қабылдады. 2019 жылдың 12 наурызында тіркелген юрисдикциясына қарамастан олардың транзитіне, ұшуына және қонуына тыйым салды.
CAAS пайдалануды қайта бастау туралы шешім Boeing енгізген және АҚШ Федералды авиация әкімшілігі (FAA) мақұлдаған модификациялардың тәуелсіз техникалық сараптамасы негізінде, сондай-ақ оператор парктерінде «ұшу қауіпсіздігі туралы нақты шағымдар болмаған» ұшуды бақылау негізінде қабылданды деп мәлімдеді.
CAAS шешімі көршілес Малайзияның, одан кейін Үндістанның авиациялық билігі осындай қадам жасағаннан кейін бірнеше күн өткен соң қабылданған. Енді осы үлгіні пайдалануға әлемнің 177 елінде рұқсат етілген. Тек Қытай мен Ресей олардың қатарында емес.
Сингапурлық Singapore Airlines (SIA) ұлттық тасымалдаушысы Австралиядан алты В-737-8 ұшағын айдап алып келді, онда әуе кемелері сақтауда тұрған. Бұрын оларды SilkAir еншілес аймақтық авиакомпаниясы пайдаланды, ол  болса осы уақыт ішінде басты компания құрылымына қайта кірді.

2538