ruenkz

Техникалық қызмет көрету мен жөндеу нарығын даму мен маңызды өзгерістер күтіп тұр

Салынған уақыты 31.08.2021 08:52

Әлемдік коммерциялық әуе кемелеріне техникалық қызмет көрсету (ТҚЖ) нарығының көлемі 2027 жылға қарай 95 млрд. доллардан асады. Бұл 2020 жылғы көрсеткіштен шамамен 36% артық (шамамен 70 млрд.). Бұл нәтижелерді Global Market Insights компаниясы өзінің жаңа зерттеуінде ұсынды. Орташа жылдық өсім шамамен 4,5%-ды құрайды. Data Bridge Market Research компаниясы өсу қарқыны одан әрі артып, 4,7% деңгейінде болатынын болжайды деп хабарлайды АТО порталы.

Алайда, оң қаржылық көрсеткіштерге қарамастан, ТҚЖ саласы түбегейлі өзгерістерді күтуде. Басты себеп көзі - авиакомпаниялардың техникалық қызмет көрсетуге кететін шығындарының артуы. Сарапшылардың пікірінше, қазір әуе тасымалдаушылары көп қаражатты дәстүрлі түрде авиакомпаниялардың шығындарының ең үлкен бөлігі болып саналатын жанармай немесе қызметкерлерге жұмсағаннан гөрі ТҚЖ қызметіне жұмсауды жөн көреді. Ұшу жарамдылығын қолдау авиатасымалдаушылардың ӘК пайдалануға кеткен шығындарына, сондай-ақ рейстердің кешігуі мен тоқтатылуына байланысты шығындарын жабуға мол үлес қосады.

Пайдаланушылар шығындарды қысқартуды және әуе кемелерінің тұрып қалу уақытын азайтуды талап етеді. Бұған диагностиканы жеделдету және автоматтандыру, жұмысты жоспарлауды және қосалқы бөлшектерді жеткізуді оңтайландыру арқылы қол жеткізуге болады. Өсу драйверлерінің қатарында ӘК модернизациялау бағдарламаларына деген өсіп келе жатқан сұранысты, жаңа буын ұшақтарының паркін қалыптастырумен қатар неғұрлым заманауи ӘК-ге сұраныстың ұлғаюын, әуе тасымалдары көлемінің қалпына келтіру жағдайының өсу болжамын атауға болады. ӘК өндірушілерінің техникалық қызмет көрсету нарығына көбірек тартылуы, сондай-ақ жылдам технологиялық өзгерістер аясында білікті персоналдың тапшылығы айтарлықтай сын-тегеуріндерді тудырып отыр.

186