ruenkz

Әуежайларда орташа күту уақыты 8 сағатқа дейін өсуі мүмкін

Салынған уақыты 02.07.2021 17:01

Халықаралық әуе көлігі қауымдастығы (IATA) егер жақын арада сандық егу паспорттары қабылданбаса, жолаушылардың әуежайда болу уақыты сегіз сағатқа дейін өсу мүмкін деп болжап отыр деп хабарлайды Tengritravel.kz Travel Daily Media-ға сілтеме жасай отырып.

Басылымның жазуынша, COVID-19 пандемиясына дейін жолаушылар рейске тіркелу, шекаралық бақылау мен кеденнен өту және жүкті алу үшін орташа есеппен 1,5 сағат жұмсап келген. Қазіргі уақытта әуежайлар COVID-19 дейінгі кезеңмен салыстырғанда 30 пайызға жүктелген. IATA жағдайды модельдеді және оның болжамына сәйкес, орташа әуежай  75 пайызға жүктелгенде, жолаушылар әуежайда 5,5 сағат, ал егер 100 пайыз болса – сегіз сағат болады.

«COVID-19 мәртебесін тексерудің автоматтандырылған шешімі болмаса, біз әуежайлардың жұмысындағы айтарлықтай қиындықтарға тап болуымыз мүмкін. Тіркелу немесе шекаралық процедуралардан өту кезінде ешкім бірнеше сағат күтуге шыдамайды. Жолаушылар трафигі көбейгенге дейін біз вакцина мен ПТР сертификаттарын тексеруді автоматтандыруымыз керек. Техникалық шешімдер қазірдің өзінде сандық вакцинация сертификаттары түрінде бар. Бірақ үкіметтер сандық сертификаттардың стандарттары мен оларды қабылдау процестерін келісуі керек» - деді IATA бас директоры Уилли Уолш.

195