Құтқару тікұшағы алғаш рет биоотынмен ұшты

Салынған уақыты 18.06.2021 08:46

Құтқару тікұшағы алғаш рет экологиялық таза авиаотынмен ұшып, әлемдік авиацияның дамуындағы жаңа парақшаны ашты. ADAC luftrettung неміс коммерциялық емес құтқару қызметінің H145 тікұшағы екінші буынды биоотынмен толтырылды, бұл әдеттегі әуе керосинімен салыстырғанда көміртегі шығарындыларын 90% дейін төмендетуге мүмкіндік береді деп хабарлайды АТО.

Отынды Total Energies компаниясы Франциядағы зауытта қайта өңделген тағамдық майдан өсімдік майын қоспай өндірді. Осы биоотынның көмегімен ADAC Luftrettung көмірқышқыл газының шығарылуын 33% төмендетеді. Ұйым жылына 50 мыңнан астам құтқару операцияларын жүргізіп, олардың барысында бағындырылатын жалпы қашықтық 3,3 млн км құрайды. Осылайша, экологиялық таза отынды пайдалану көміртегі диоксидінің шығарындыларын 6 мың тоннаға азайтуға мүмкіндік береді.

ADAC Luftrettung, сонымен қатар, экологиялық таза отын туралы ұзақмерзімді келісімге қол қойды, ол жанармай құю процесінде биоотынның үлесін алдағы бірнеше жылда 100%-ға дейін арттыруды және Power-to-Liquid (PTL; электр энергиясын сұйықтыққа айналдыру) деп аталатын синтетикалық электр отынын пайдалануды көздейді. PTL –  жаңартылатын көздерден электр энергиясын пайдалану арқылы өндірілетін сұйық отын, бұл әуе индустриясының климатқа әсерін нөлге дейін төмендетуге мүмкіндік береді.

2497