Қазақстанда шетелдіктерден алынатын туристік алым енгізіледі

Салынған уақыты 20.04.2021 08:28

Қазақстан 2022 жылдан бастап саланы қолдау және дамыту үшін өңірлік бюджеттерді толықтыру мақсатында шетелдіктерден алынатын туристік алым енгізеді. Қазақстан Парламентінің сенаторы бейсенбі күні өткен пленарлық отырыста «Қазақстан Республикасының кейбір заңнамалық актілеріне туристік қызмет мәселелері бойынша өзгерістер мен толықтырулар енгізу туралы» заңды екінші, түпкілікті оқылымда мақұлдады деп хабарлайды «Интерфакс-Қазақстан» агенттігінің тілшісі.

Мәдениет және спорт министрі Ақтоты Райымқұлованың айтуынша, заң елдің стратегиялық құжаттарына сәйкес туристік саланы мемлекеттік реттеуді жетілдіруге, сондай-ақ туризм саласын дамыту үшін қажетті құқықтық база құруға бағытталған. Құжатта бірқатар түзетулер қарастырылған, атап айтқанда, «басым туристік аумақ» ұғымы енгізіледі.

Бұдан басқа, құжат туризм саласындағы реттеу саясатын жетілдіруге және оны Кәсіпкерлік кодекске сәйкес келтіруге бағытталған. Сонымен бірге, осы түзетулермен уәкілетті және өзге де мемлекеттік органдарға туристік секторды мемлекеттік қолдаудың жаңа шараларын енгізуге байланысты қосымша құзыреттер берілетін болады.

2571