Еуропалық авиакомпаниялар нарықты баяу қалпына келтіруге дайындалып жатыр

Салынған уақыты 26.03.2021 09:11

Еуропаның үш ірі авиациялық тобы авиакөлік саласының астан-кестенін шығарған 2020 жылға арналған қаржылық есептерді ұсынды. Вакцинацияның күшімен нарықтың жандануы байқалса да, миллиардтаған шығындар бұл тасымалдаушылардың 2021 жылы қайта аяққа тұруының қаншалықты қиын екендігін көрсетеді деп хабарлайды АТО порталы.

Жылдың қаржылық нәтижелері туралы есеп берген Lufthansa Group коронавирус жағдайында тиімділікті арттыру үшін ұшақ паркін оңтайландырудың қайта қаралған жоспарларын ұсынды. Неміс тобы үшін 2020 жыл ең ауыр жыл болды: топтың таза шығыны 6,7 миллиард еуроны құрады. Сонымен қатар, Aer Lingus, British Airways, Iberia, Level және Vueling авиакомпаниялары кіретін International Airlines Group (IAG) 2021 жылдың алғашқы айларында кестеге тасымалдау қуаттарының 20%-дан астамы ғана қосылғанын, бұл топтың тұтас қуатының 26% дейін белсенді пайдалануда болған өткен жылдың IV тоқсанымен салыстырғанда, карантиндік шаралардың кезекті рет қатаңдатылғанын көрсететінін атап өтті. Күрделі шығындарды азайту үшін IAG жоспарланған жаңа ұшақтарды жеткізуді түбегейлі қысқартты.

Air France — KLM тобы 7,1 млрд еуро көлемінде шығынға ұшырады және қазір топ басшылығының барлық күш-жігері қайта капиталдандыру жоспарларына бағытталған. Қазіргі уақытта топқа мемлекеттік көмектің қосымша пакетін бөлу үшін Еуропалық Комиссияның мақұлдауын алуға жағдай жасалу қажет.

2887