Bombardier бизнес-джет өндірушісі атанды

Салынған уақыты 25.02.2021 10:53

Қаңтар айының соңында теміржол техникасы бөлімшесін сату туралы келісімді жауып, осы уақытқа дейін көп салалы болып келген канадалық Bombardier компаниясы тек бизнес-джет өндіретін компанияға айналды деп хабарлайды АТО порталы.

Alstom-мен жасалған мәміле нәтижесінде компания 3,6 млрд. долл. пайда тапты, оның ішінде 600 млн. долл. француздық  машина жасау фирмасының акциялары. Өткен жылы Bombardier өз активтерін сату бойынша бірнеше мәмілелер жасады, соның ішінде A220 (бұрынғы CSeries) ұшақтарының құрастыру желісіндегі қалған үлесі, аймақтық CRJ және авиациялық компоненттер өндірісі.

Салалық сарапшылардың пікірінше, сату Bombardier компаниясына өтімділік дағдарысына тап болмауға мүмкіндік берді. Алайда, канадалық өндірушіге әр түрлі қызмет салаларынан пайда әкелетін әртараптандырылған бизнесі бар компаниялармен бәсекелесу жолында өзінің бәсекеге қабілеттілігін сақтау қиынға соғады.

2962