ruenkz

Азиялық авиакомпаниялар 2020 жылы жолаушылар ағынының 80% жоғалтты

Салынған уақыты 11.02.2021 09:26

Азия-Тынық мұхит аймағы авиакомпанияларының жолаушылар ағыны 2020 жылы 2019 жылғы деңгейдің небәрі 18% құрады, бұл өңірдегі коммерциялық авиация тарихындағы трафиктің бұрын-соңды болмаған құлдырауы деп хабарлайды АТО порталы.

Азия-Тынық мұхит аймағының авиакомпаниялар қауымдастығының (AAPA) жақында жасаған есебіне сәйкес, ұйымға кіретін 40 авиакомпания жалпы 69,5 миллион жолаушы тасымалдады. Жолаушылар айналымы 80,6%-ға қысқарды, жүктеменің орташа коэффициенті 2019 жылғы 80,9%-дан 60,7%-ға дейін төмендеді. AAPA хабарлауынша, аймақтың авиакомпаниялары бүкіл әлемдік жүк көлемінің үштен бір бөлігін, соның ішінде вакциналар, жеке қорғаныс құралдары мен медициналық препараттарды тасымалдайды. Гонконг пен Сингапурдағы жүк хабтары өз аймақтарында COVID-19 вакцинасы бар жүк логистикасын ұйымдастыру міндетін өз мойнына алды.

Бірқатар оптимистік мысалдарға қарамастан, тұтастай алғанда, аймақтағы әуе көлігі саласын қалпына келтіру көптеген кері серпілістермен жүріп жатыр. Малайзия мен Қытайда аурудың екінші толқыны басталғаннан кейін жергілікті нарықтар тағы бір соққы алды. Вьетнам, сонымен қатар, бірнеше ай бойы созылған еркіндіктен кейін індеттің қайта өршігенін жариялап отыр.

76