2021 жылы авиакомпаниялар саны артады

Салынған уақыты 08.02.2021 12:00

Avolon лизингтік компаниясы және IBA консалтингтік агенттігі 2021 жылы әуе көлігі нарығындағы жағдайдың дамуы туралы болжамдарын жариялады. Олардың пайымдауы бойынша, нарықты қалпына келтіру аймаққа және COVID-19 вакцинасының таралу жылдамдығына байланысты әртүрлі болады деп жазады Aviation Week.

IBA мәліметтеріне сәйкес барлық вакцина дозаларының жартысынан көбі Солтүстік жарты шар мен Океания тұрғындарына салынады. Сарапшылар бұл 2021 жылы да, одан әрі де саяхат пен іссапарды жоспарлауға айтарлықтай әсер ететінін атап өтті. IBA сарапшыларының пікірінше, қалпына келтіру көшбасшысы Солтүстік Америка болады, онда жолаушылар айналымының өсуі 60% жетеді (қазіргі деңгейден), одан кейін Еуропа мен Азия-Тынық мұхиты өңірі. Қалған өңірлерде жолаушылар айналымының өсуі 30% деңгейінде болады деп болжануда.

Avolon сарапшылары көптеген авиакомпаниялар қиындыққа тап болатынын  мойындайды, бірақ аймақтық және төмен тарифті тасымалдаушыларға, сондай-ақ нарыққа жаңадан келгендерге назар аударған жөн дейді. «2020 жылмен салыстырғанда,  2021 жылы банкроттықтан гөрі стартаптар көп болады. Барлығы бірден әуеге көтерілмейді, бірақ болашақта тез дамитындар қатарындағы авиакомпаниялар дәл осы жылы пайда болады»,- деп санайды Avolon.

2849