Көкке апаратын жол!

Әуе қозғалысына қызмет көрсету қызметі (ӘҚҚ) әуе трассаларындағы, жергілікті әуе желілеріндегі, әуеайлақ ауданындағы қызметтің жауапкершілік аймағында әуе қозғалысына қызмет көрсетуді, әуе кемелерінің экипаждарына ұшу алдындағы ақпараттық-консультациялық қызмет көрсетуді ұйымдастырып, сол жұмысын жетілдіріп отырады. Ұшу қауіпсіздігі мен тұрақтылығын қамтамасыз ету жөніндегі құжаттардың талаптарын міндетті түрде сақтай отырып, ұшу алдында қозғалтқыштарды іске қосудан (сүйреуден) бастап, тұрақ орнына бұрып апарғанға дейін, қозғалтқышты сөндіруге дейін тікелей әуе қозғалысына қызмет көрсетуді жүзеге асырады. Жерде және диспетчерлік пункттердің жауапкершілік аймақтарында ұшу кезінде әуе кемелерінің соқтығысуын болдырмау бойынша шараларды, апатқа ұшыраған әуе кемелерінің экипаждарына, сондай-ақ ерекше ұшу жағдайларында көмек көрсету бойынша шараларды уақытылы қабылдайды.